Nesta campaña, siguiéronse los llabores de prospeición n'estremaos seutores del macizu, principalmente nel Semuñón, na crestería'l H.ascal, y Beresna, ufiertando como resultáu l'allugamientu de mediu centenar de nueves cavidaes.
Como nun podía ser otro, siguióse tamién colos llabores d'esploración y topografía, tanto en cavidaes que la so esploración empecipiare en campañes anteriores, como en torques alcontraes na presente espedición. Ente les cavidaes esquizaos mientres la campaña 2010 destaquen:
Grayeros de Salinas: Prosiguióse a partir de la punta d'esploración de l'anterior campaña (aprox. -300 m.) cerrando esta vía tres numberoses desobstrucciones a -370 m. de fondura y topografiándola íntegramente. Darréu afayóse una nueva vía a cota -100 m. al traviés d'una ventana nún gran pozu. Esta segunda vía, con abondosos entueyos téunicos por cuenta la estrechura (desobstrucciones) y la folla, ye esquizada hasta una fondura averada de -400 m., ufiertando continuidá, y convirtiéndose nel principal oxetivu pa la campaña 2011.
Torca las Esmenadas: Cavidá nueva que s'esquiza hasta aprox. -140 m. y que tien un gran pozu de 120 m. Trabayóse na desobstrucción del meandru no fondero la torca.
Torca los Retraites: Cavidá inédita na que s'esploren dos víes verticales distintes y que cunta con un desenvolvimientu considerable de galeríes subhorizontales, topografiándose la mayor parte lo esquizao.
Amás, esploráronse y/o topografiáronse otra ventena de cavidaes que nun perpasen los 100 m. de fondura.
Memoria Campaña CADE H.ascal 2010 PDF) -2.3 MB-
