Espedición Culiembru 2010. Semeya: CDG
Tres de merguyar otra vuelta esti añu na Cueva Culiembru, la Espedición Culiembru 2010 (GE Gorfolí-Cave Diving Group), algamó un llagu atopando na paré la inscripción "OUCC 1979-1981"
A la fin algamóse la naguada conesión ente'l Pozu'l H.itu y la Cueva Culiembru. Norabona, collacios!!!
Les implicaciones de toa mena d'esti llogru pa toos nosotros son yá impresionantes: el llabor calláu d'años (décades), l'esfuerzu continuáu nel tiempu, la neciura de tolos collacios qu'aportaren el so trabayu a esti llogru... tolo que nós entendemos por espelo condénsase equí. L'añu qu'entra, l'Oxford University Caving Club (OUCC) va cumplir el so 50 aniversariu d'esploraciones nos Picos d'Europa, ellos fueron los primeros n'entamar la moderna esploración espeleolóxica n'Asturies nos años 60 y más sero, na década de los 80, fueron tamién los primeros n'esplorar un -1.000 -el Pozu'l H.itu, precisamente- colocando a los nuesos Picos na primera llinia na esploración espeleolóxica a nivel mundial.
Y agora, el círculu se pieslla: el tantes veces suañáu "Sump of the Glory" acaba ser trespasáu...
Dende la Xestora d'esta nueva FESPA tamos tamién de norabona, cola participación asturiana na consecución del llogru algamáu, y yá tamos trabayando no que, cuidamos, habrá ser una merecida celebración.
Más info, con topo y videos del nuesu collaciu Josep Guarro, equí. Y l'actualización al minutu nel Facebook de la espedición.
